Si funksionon shërbimi i DiasporaTV

DiasporaTV ju ofron shikimin e kanaleve Shqiptare përmes internetit, pa nevojë për antenë satelitore. Sinjalin mund ta shikoni përmes pajisjeve që përdorin sistemin Android.

Vëni re:
Para se ta bëni porosinë, duhet ta keni njërën nga pajisjet e duhura që të pranoni sinjalin nga DiasporaTV.

Nuk ka nevojë për antenë satelitore, as CableTV kompani lokale në vendin ku banoni e as për kompjuter.
Ju porositni resiverin nga njëra prej faqeve ku shiten resiverët e testuar nga DiasporaTV. Kur pranoni resiverin me postë, e lidhni një kabllo HDMI prej resiverit deri në televizor dhe pastaj një kabllo të internetit e lidhni prej resiverit deri në modem apo router (kuti të internetit në shtëpinë tuaj). Pasi të startoj resiveri, duhet ta instaloni aplikacionin e DiasporaTV në resiver. Lexoni udhëzimet për instalim për më shumë informata. Kur e hapni aplikacionin e DiasporaTV, duhet të kyçeni në shërbim me username dhe password që i zgjidhni vet gjatë bërjes së porosisë.

Shpejtësia e internetit tuaj

Është shumë e rëndësishme që shpejtësinë e internetit ta keni së paku 2 mbps (megabit për sekond). Çdo klient i ri duhet ta bëjë testimin e internetit sepse është pjesë e porosisë. Nëse nuk e kaloni testin e shpejtësisë, nuk mund të bëni porosi dhe duhet ta paguani internetin më të shpejtë.

Për ta testuar shpejtësinë e internetit tuaj pa e bërë porosinë, klikoni këtu.

Si bëhet porosia

Vizitoni faqën Porosit Tani dhe kryeni testimin e internetit tuaj. Pastaj klikoni në pullën ”Vazhdo” dhe do të shkoni në formularin e porosisë. Aty zgjidheni kohëzgjatjen e porosisë si dhe vazhdim parapagimin automatik. Plotësoni formularin, dërgoni porosinë dhe kryeni pagesën. Pasi të bëhet pagesa, shërbimi juaj do të aktivizohet.

Rreth vazhdim parapagimit automatik: Në formularin e porosisë mund të zgjidhni që, pasi të skadoj kontoja juaj, pagesa për vazhdim parapagim të procesohet automatikisht apo jo. Nëse zgjidhni ta bëni pagesën për vazhdim parapagim automatikisht, atëherë kur ju skadon kontoja juaj sistemi i DiasporaTV do të tentoj ta procesoj pagesën për vazhdimin e parapagimit tuaj me të njejtën kohëzgjatje. Nëse procesimi është i suksesshëm atëherë shërbimi juaj do të vazhdoj për atë kohëzgjatje të shërbimit që keni zgjedhur në fillim. Nëse procesimi i pagesës nuk ka sukses, shërbimi juaj do të ndalet dhe do të vazhdoj vetëm atëherë kur e kryeni pagesën.

Pasi të bëhet porosia

Në formularin e porosisë i zgjidhni një username dhe password që do ta përdorni më vonë. Pas bërjes së porosisë, duhet të instaloni aplikacionin e DiasporaTV në pajisjen tuaj dhe pastaj të kyçeni me username dhe password tuajin në shërbimin e DiasporaTV. Nëse keni harruar fjalëkalimin tuaj, mund të vizitoni faqen e kontos suaj dhe ta përkujtoni fjalëkaliminm e ç’rast sistemi i DiasporaTV do t’ju dërgoj e-mail me udhëzime se si të rivendosni fjalëkalimin.